මේ ROUTER එක serial port 2කින් හා එක ethernet port එකකින් සමන්විතයි. ethernet port එකට දකුණු පසින් පිළිවෙලින් console port එකත්, aux port එකත් පිහිටල තියෙනවා.

console port - ROUTER එක initialize කිරීම

aux port - moderm එකක් හරහා දුර බැහැර ප්‍රදේශයක සිට ROUTER එක initialize කිරීම.( උදාහරණයක් විදියට කම්පැනියක ගාල්ලෙ ශාඛාවෙ තියන ROUTER එකක් කොළඹ ප්‍රධාන ශාඛාවෙ ඉදන් initialize කරන්න පුලුවන් මේ හරහා.)

මේ port දෙකටත් දකුණු පසින් on/off switch එක දකින්න ලැබෙනවා.

ඊළග කාරණය තමයි ROUTER එක මේ අතුරුමුහුණත් හරහා විවිධ network වලට සම්භන්ධ වෙනවනම් මෙම අතුරුමුහුණත් වලට ip ලබා දීලා තියෙන්න ඕන. නමුත් අපි ROUTER එක අරගෙන මුලින්ම ක්‍රියාත්මක(switch on ) කරනකොට මේ අතුරුමුහුණත් වලට ip සකස් වෙලා නෑ. ඉතින් කොහොමද ip සකස් කරගන්නෙ..? ඒකට තමයි කියන්නෙ ROUTER එක initialize(පළමුව ඇරඹීම ) කරගන්නව කියලා. ඒ මගින් අපිට අවශ්‍ය විදියට ඒ ඒ අතුරුමුහුණත් සදහා ip සකස් කරගන්න පුලුවන්.

මේ සදහා ROUTER එකට අමතරව terminal කියන උපාංගයත් යොදා ගන්නවා. terminal එක කියන්නේ input output පමණක් ඇති උපාංගයක්. නමුත් අවශ්‍යනම් අදාල මෘදුකාංග ක්‍රියාත්මක කරගැනීමෙන් අපිට පරිඝනකයත් terminal එකක් විදියට භාවිතා කරගන්න පුලුවන්. ROUTER එක තුල කුඩා ප්‍රමාණයේ processer එකක්, ram එකක්,cache එකක්, වගේම ROUTERට අදාල OS එක ගබඩා වෙලා තියන flash drive එකකුත් අඩංගු වෙනවා.

initialize කිරීමේදී ROUTER එක switch on කර එහි ඇති console port එක (ඉහත රූපයේ ethernet අතුරුමුහුණතට දකුණු පසින් ඇති port එක ) හරහා terminal එකකට සම්භන්ධ කරගන්නවා. ඉන්පසු එම terminal එක හරහා ROUTER එක ‍initalize කර ගැනීම සිදු කරනවා. මෙහිදී අපිට අවශ්‍ය විදියට අතුරුමුහුණත් සදහා ip,bandwidth,clock rate,encapsulation mode වගේ දේවල් සකස් කරගන්න පුලුවන්.

මෙහිදී සිද්ධ වෙන්නෙ ROUTER එකේ OS එක load වෙලා අපි සකසන ip,bandwith,.... අගයන් ram එකේ තියාගෙන වැඩකරන එක. දළ අදහසක් විදියට ගත්තොත් මෙතනදි ROUTER එක සාමාන්‍ය පරිඝනකයක් වගේ සලකන්න පුලුවන්.

initialize කරගත්තට පස්සෙ ROUTER එක ඕනම network එකකට සම්භන්ධ කරලා වැඩකරගන්න පුලුවන්.